Portýgalııadan Qazaqstanǵa halyqaralyq izdeýde bolǵan qaraqshy ekstradıtsııalandy - QR Bas prokýratýrasy
ASTANA. 15 naýryz. QazAqparat - Búgin alǵash ret Qazaqstanǵa Portýgalııa elinen qaraqshylyq shabýyl jasaǵany úshin halyqaralyq izdeýde bolǵan qazaqstandyq azamat ekstradıtsııalandy.
Bul týraly QR Bas prokýratýrasynyń baspasóz qyzmetinen habarlady.
E.Ótemisovti qaraqshylyq shabýyl jasaǵany úshin jaýapkershilikke tartý úshin Ońtústik Qazaqstan oblysynyń quqyq qorǵaý organdary halyqaralyq izdeý jarııalaǵan bolatyn.
Ótemisov 2004 jyly «Avılon-7» JShS-nyń kúzetshisine qaraqshylyq shabýyl jasap, kompanııanyń múlikterin alyp ketken qylmystyq toptyń músheleriniń biri boldy.
Ótken jyldyń qyrkúıeginde E.Ótemisov Koımbra qalasynda (Portýgalııa) ustalyp, qamaýǵa alynǵan bolatyn.
Qazaqstannyń Bas prokýratýrasynyń usynysy boıynsha Koımbra qalasynyń soty kúdiktini Qazaqstanǵa ekstradıtsııalaý týraly sheshim shyǵardy.
Osy derek Qazaqstandaǵy adam quqyqtaryn qorǵaý jaǵdaıynyń jaqsarǵanyn, Adam quqyqtary jónindegi eýropalyq konventsııanyń negizgi talaptaryna jaýap beretin adamnyń quqyqtary men zańdy múddelerin qorǵaýdyń tıimdi kepildikteriniń jasalǵanyn kýálandyrady.
