Portýgalııadaǵy áýejaıǵa Krıshtıaný Ronaldýdyń esimi beriledi
ASTANA. QazAqparat - Portýgalııa bıligi Madeıra aralyndaǵy áýejaıǵa «Real» men el quramasynyń shabýylshysy Krıshtıaný Ronaldýdyń esimin bermek, dep habarlaıdy QazAqparat «Bı-bı-sı»-ge silteme jasap.
Áýejaıdyń atyn ózgertýge arnalǵan saltanatty jıyn sársenbi kúni Fýnshal qalasynyń mańynda ótedi. Oǵan fýtbolshynyń ózi qatysady. Bul qalada Ronaldýdyń qola músini, sondaı-aq sportshynyń laqap aty - CR7 brendimen jumys jasaıtyn murajaı men otel de bar.
Alaıda, áýejaıdy fýtbolshynyń esimimen ataý usynysyna jergilikti saıasatkerler qarsylyq tanytýda. Keıbir synshylar sportshynyń esimin ıelengen murajaı men oteldiń jumys istep turǵany jetkilikti dep sanaıdy.
Krıshtıaný Ronaldý 2016 jyly FIFA nusqasy boıynsha kezekti ret úzdik fýtbolshy tanyldy. Sondaı-aq portýgaldyq fýtbolshy óz mansabynda tórtinshi ret «Altyn dop» ıegeri atandy.
