Portýgalııadaǵy asa iri jol-kólik apaty: 5 adam qaza taýyp, 70-ten astamy túrli dene jaraqattaryn aldy
ASTANA. Tamyzdyń 24-i. QazAqparat - Portýgalııanyń Aveırý aımaǵyndaǵy avtokólik jolynda 50-den astam kóliktiń soqtyǵysýynan, bes adam qaza taýyp, jetpisten astam adam túrli dene jaraqattaryn aldy, dep jazady mail.ru saıty.
Basynda on jeńil kólik pen eki júk mashınasy soqtyǵysyp, odan keıin olarǵa qatty jyldamdyqpen kele jatqan ózge de kólikter soǵysady. Jaǵdaıdy apattar saldarynan týyndaǵan órt ýshyqtyryp jiberdi. Jol-kólik oqıǵasyna joldyń shamaly kórinýi sebep boldy.
Kólik apaty oryn alǵan jerge alǵashqy kómek kórsetý úshin jáne adamdardy qaýipsiz jerge jetkizý maqsatynda 200-den astam qutqarýshy men úsh tikushaq jiberildi. Euronews telearnasyna silteme jasaǵan ITAR-TASS, zardap shekken 48 adamnyń jaǵdaıynyń asa aýyr ekenin habarlaıdy.
