Portýgalııadaǵy Álem chempıonatynda qazaqstandyq voleıbolshylar erler arasynda da, qyzdar arasynda da 25-shi oryn aldy
ALMATY. 13 shilde. QazAqparat - Portýgalııanyń Portý qalasynda 19 jasqa deıingi jastar arasynda ótip jatqan Álem chempıonatyn qazaqstandyq jaǵajaı voleıbolshylary erte aıaqtady.
Onda negizgi týrnırdiń toptyq syndarynda Vıktor Pestov pen Kırıll Gýrın, Anna Eleferenko men Ekaterına Lasıýta 4-shi oryn alyp, 25-shi oryndy qanaǵat tutty. Vıktor men Kırıll - Nıkaragýa, Italııa, Avstrııa, al Anna men Ekaterına - Italııa, Reseı, Portýgalııa sportshylaryna utyldy.
Ekaterına byltyr Kıprde ótken Álem chempıonatynda da óner kórsetken edi. Onda Aleksandra Varasovamen jup quraǵan E.Lasıýta 1/16 fınalda jeńilip, 17-shi orynǵa taban tiregen bolatyn. Bıyl bul kórsetkishin birshama tómendetip aldy.
