Portýgalııadaǵy daýyl 16 adamnyń ómirin qıdy

ASTANA. KAZINFORM –  Qańtardyń sońynan beri Portýgalııada daýyl men tolassyz jaýyn saldarynyn sý tasqyny boldy, dep habarlaıdy AZERTADJ.

AZERTADJ habarlaýynsha sońǵy málimetterge qaraǵanda keminde 16 adam qaza tapqan. Eldiń ortalyq bóliginde jaǵdaı eń kúrdeli bolyp tur, ásirese Koımbra qalasy mańynda, munda shamamen 3 myń turǵyn evakýatsııalanǵan.

Bılik «ǵasyr sý tasqyny» múmkindigin eskertip otyr, óıtkeni Mondegý ózeni sý deńgeıi krıtıkalyq kórsetkishterge jaqyndap keledi.

Tabıǵat apatynyń saldarynan A1 avtomagıstrali jartylaı qulaǵan, 33 myńnan astam adam elektr jaryǵynsyz otyr. Keltirilgen zardapty joıý úshin 3 myńnan astam áskerı qyzmetker jumyldyrylǵan, al bılik taǵy 9 myń adamdy evakýatsııalaý múmkindigine daıyndalyp otyr.

Qarjylaı shyǵyn mıllıondaǵan eýro bolady dep baǵalanýda.

Apat saıası saldarǵa da ákeldi. Іshki ister mınıstri Marııa Lýsııa Amaral otstavkaǵa ketti, sebebi jumysyn jalǵastyrý úshin qajetti jaǵdaı bolmaǵanyn málimdedi. Úkimet kúsheıip jatqan ekstremaldy aýa raıyna daıyn emestigi úshin synǵa ushyrady.

Daýyl Ispanııaǵa da áser etti. Andalýsııada áli kúnge deıin 3 myńnan astam adam evakýatsııalanǵan, shamamen 100 jol jabylǵan, al Kadıs provıntsııasyda  nóser jaýyn týraly jańa eskertýler jarııalandy. 

Aıta ketelik Portýgalııa parlamenti 16 jasqa tolmaǵan balalardyń áleýmettik jelilerge kirýine tyıym saldy.