Portýgalııadaǵy chellendjer týrnırinde Qazaqstannan eki tennısshi óner kórsetedi

ASTANA. KAZINFORM — Qazaqstandyq, álemniń 257-raketkasy Denıs Evseev Oeırash (Portýgalııa) chellendjer týrnırine joldama aldy.

Qazaqstandyq tennısshi irikteý saıystarynyń fınalynda álemniń 270-raketkasy, majarstandyq Jombor Pıroshpen kezdesýi tıis bolatyn.

Alaıda J.Pırosh matchqa kelmeı qaldy da, D.Evseev oınamastan negizgi týrnırge ótti.
D.Evseevtiń negizgi jarystaǵy qarsylasy keıin anyqtalady.

Sondaı-aq taǵy bir qazaqstandyq, álemniń 167-raketkasy Mıhaıl Kýkýshkın alǵashqy aınalymda reıtıngide 200-oryndaǵy ıtalııalyq Matteo Gıgantemen sheberlik baıqasady.

Eske sala keteıik, budan buryn tennısten álem chempıonatynda Qazaqstan jasóspirimder quramasynyń irikteý jarysyn ekinshi orynmen túıindegenin jazǵan bolatynbyz.

Sondaı-aq qazaqstandyq tennısshilerdiń álemdik reıtıngidegi orny anyqtaldy.