Portýgalııada úı aýlasynan dınozavrdyń qańqasy tabyldy
LISSABON. QazAqparat – Eýropada tabylǵan eń úlken dınozavr qańqalarynyń biri Portýgalııada úı aýlasynan shyqqan, dep habarlaıdy QazAqparat tilshisi CBS News-ke silteme jasap.
Pombal qalasynda turatyn er adam 2017 jyly qurylys kezinde aýlasynan súıekterdiń synyqtaryn baıqap, zertteý tobyna habarlasqan. Top qazba jumystaryna kiristi.
Ispanııa men Portýgalııa paleontologtary osy aptada jarııalaǵan press-relızde ózderiniń kontınentte tabylǵan eń iri zaýropod dınozavrynyń qaldyqtaryn qazyp alǵanyn málimdegen.
Zaýropod – moıyndary men quıryqtary uzyn keletin, shóppen qorektenetin tórt aıaqty dınozavr. Baýyrmen jorǵalaýshylardyń bul túriniń bıiktigi shamamen 11,8 metr jáne uzyndyǵy 25 metr bolǵan.
Qazba ornynan qańqanyń mańyzdy elementteri, sonyń ishinde brahıozavrǵa tıesili bolýy múmkin omyrtqalar men qabyrǵalar jınaldy. Tarıhqa deıingi janýarlar Jer betinde 160-100 mıllıon jyl buryn ómir súrgen.
Dınozavr qaldyqtarynyń saqtalý erekshelikterine qaraı, zertteýshiler qańqanyń basqa da bólikteri tabylýy múmkin degen oıda.
Foto: www.cbsnews.com
