Portýgalııada ushaq jaǵajaıǵa qulap, eki adamnyń ómirin qıyp ketti
ASTANA. QazAqparat - Bir motorly ushaq Lıssabonǵa taıaý ornalasqan jaǵajaıǵa apatty jaǵdaıda qondy. Jerge qoný kezinde ol 56 jastaǵy er azamat pen segiz jasar qyzdy qaǵyp ketken. Olar sol jerde kóz jumdy.
Bul jaıly jergilikti bılik málimetine silteme jasaǵan Fox News habarlaıdy.
Oqıǵa kezinde Kaparıkadaǵy áıgili jaǵajaıda júzdegen adam demalyp jatqan. Olardyń kóbi ushaq qonǵansha jaǵajaıdan qashyp, birazy teńizge túsip ketken.
Kýágerlerdiń aıtýynsha, ushaq eki adamdy súırep áketken. Qonar aldynda onyń jerge óte jaqyn ári senimsiz ushqandyǵy baıqalǵan. Oǵan sol jaq qanatynyń synǵandyǵy sebep bolýy múmkin.
