Portýgalııada sábıdiń emi úshin «álemdegi eń qymbat dárige» eki aıda €2 mln qarjy jınalǵan
NUR-SULTAN. QazAqparat - Portýgalııada otbasy dertke shaldyqqan eki aılyq qyzyna «álemdegi eń qymbat dárige» tóleý úshin €2 mln qarjy jınaǵan. Bul týraly EFE agenttigi habarlady.
Balanyń jaǵdaıy týraly aqparat Portýgalııada taıaýda ǵana taraǵan. Sábı dúnıege kelgen sátte oǵan birinshi deńgeıli bulshyqet atrofııasy dıagnozyn qoıǵan. Onyń saldarynan búldirshinniń denesi qozǵalmaı, qımyldaı almaıtyn deńgeıge jetken. Emdelmegen jaǵdaıda sal aýrýyna shaldyǵýy múmkin degen qaýip paıda bolǵan.
Qyzdyń ata-anasy dıagnozyna baılanysty bıyl mamyrda AQSh-ta ruqsat etilgen €1,9 mln qarjy turatyn dárini almaqqa árekettengen. Bul dárilik zat «álemdegi eń qymbat dári» retinde tanymal, alaıda otbasynyń ony satyp alatyn aqshasy bolmaǵan. Aqsha jınaý kampanııasynyń arqasynda balanyń ata-anasy qajetti somasy eki aıdyń ishinde jınady.
