Portýgalııada prezıdenttik saılaý bastaldy

ASTANA. KAZINFORM — Portýgalııada prezıdenttik saılaý ótip jatyr, dep jazdy TASS.

Eń joǵary memlekettik laýazymǵa 11 kandıdat (10 er adam jáne bir áıel) úmitker. Aldyn ala daýys berý nátıjeleri túnde jarııalanady dep kútilýde. Eger eshbir kandıdat saılaýshylardyń 50%-dan astam daýysyn jınaı almasa, 8 aqpanda Portýgalııada ekinshi týr ótedi.

Qazirgi prezıdent Marselý Rebelý dı Soýza 2016 jyly óz laýazymyn atqarýdy bastaǵan, al 2021 jyly qaıta saılandy. Ol endi osy qyzmetke qaıta úmitker bola almaıdy, sebebi jergilikti zańnamaǵa sáıkes bir adam úsh ret qatarynan qaıta saılanýǵa tyıym salynady.

Saılaý aldyndaǵy saýalnamalarǵa sáıkes, eshbir kandıdat birinshi týrda 50%-dan artyq daýys jınaı almaıdy dep boljanýda. Bul jaǵdaıda ekinshi týr ótedi, oǵan tek eń kóp qoldaý jınaǵan eki úmitker qatysady. Sońǵy ret osyndaı jaǵdaı 1986 jyly bolǵan.

Eske sala keteıik, Portýgalııa prezıdenti laýazymyna 11 úmitker talasatynyn jazǵan edik.