Portýgalııada prezıdent saılaýynda daýys berý aıaqtaldy

Reseılik TASS agenttiginiń habarlaýynsha, saılaý ýchaskeleri jergilikti ýaqytpen tańǵy saǵat 08.00-de ashylyp, saǵat 19.00-de jabylǵan.

Portýgalııada daýys berý quqyǵy bar 9,6 mln azamat tirkelgen.

Saǵat 16:00-de daýys berýge qatysýshylar sany 37,69 paıyz boldy. Alǵashqy aldyn ala saılaý nátıjesi keshiktirilmeı jarııa etiledi.
Saılaýǵa 10 úmitker qatysýda. Aldyn ala saýalnama boıynsha Marselý Rebelý dı Soza kóshbastap tur, oǵan el turǵyndarynyń jartysynan astamy daýys berýi múmkin.

Portýgalııa prezıdenti bes jylda bir ret jalpyhalyqtyq saılaýda saılanady, ol Eýropa elderiniń basshylaryna qaraǵanda keń aýqymdy quzyretke ıe.

Eger jańa memleket basshysy birinshi týrda jeńiske jetse, naýryz aıynyń sońynda qyzmetine kirisedi. Eger birinshi týrda úmitkerdiń biri 50 paıyzdyq mejeni asa almasa, eń kóp daýys jınaǵan eki úmitker 14 aqpanda ekinshi týrǵa qatysady.