Portýgalııada prezıdent saılaýy ótti
LISSABON. QazAqparat – Portýgalııadaǵy prezıdent saılaýynyń birinshi kezeńinde qazirgi memleket basshysy Marselý Rebelý de Soýza aıqyn jeńiske jetti. Onyń kandıdatýrasyn daýys bergen saılaýshylardyń 60%-dan astamy qoldaǵan. Osylaısha de Soýza ekinshi mandatqa ıe bolady, dep habarlaıdy QazAqparat Euronews-ke silteme jasap.
Saılaýda «Toqta» ońshyl partııanyń jetekshisi, ýnıversıtet professory Andre Ventýraǵa saılaýshylardyń 12% -y daýys bergen. Sotsıalısterdiń kandıdaty, zańger jáne burynǵy dıplomat Ana Gomesh shamamen 11% daýys jınady.
Bul saılaýdy sarapshylar pandemııa men sonyń saldarynan týyndaǵan daǵdarys kezindegi memlekettik saıasatqa senim bildirý dep baǵalady. Portýgalııa ekonomıkasy karantın shekteýinen qatty zardap shekken elderdiń qatarynda. Sarapshylar bul kúrdeli áleýmettik problemalardy týdyrady dep qaýiptendi.
Daýys berý qarsańynda Portýgalııada COVID-19 juqtyrǵandar men aýrýdan qaıtys bolǵandardyń sany boıynsha antırekord tirkeldi, osyǵan baılanysty bılik saılaýdy qaýipsiz ótkizýge baǵyttalǵan sharalardy qolǵa aldy.
