Portýgalııada órt sóndirip júrgen ushaq apatqa ushyrady
ASTANA. QazAqparat - Portýgalııanyń ortalyq bóligindegi órtti sóndirýge qatysyp júrgen ushaq apatqa ushyrady. Bul týraly TASS EFE portalyna silteme jasap habarlaıdy.
Ázirge ushaqtyń qulaýyna baılanysty mert bolǵandar týraly málimet joq.
Oqıǵa órttiń saldarynan 64 adam mert bolyp, 157 adam zardap shekken Pedrogan-Grandı eldi mekeninde boldy.
Portýgalııada órt 17 maýsym kúni kúndiz bastaldy. Qazirgi tańda tilsiz jaýmen kúreske 2 myńǵa jýyq adam qatysýda.