Portýgalııada koronavırýs juqtyrǵandardyń 90%-ynan delta shtamy tabyldy

BRıÝSSELЬ. QazAqparat – Seısenbi kúni jarııalanǵan esepke sáıkes, «Delta» shtammy qazirgi ýaqytta Portýgalııada anyqtalǵan koronavırýstyń jańa jaǵdaılarynyń 90%-ǵa jýyǵynan tabylǵan, dep habarlaıdy QazAqparattyń menshikti tilshisi.

Portýgalııanyń qoǵamdyq densaýlyq saqtaý ulttyq ınstıtýtynyń málimetine sáıkes, Úndistanda alǵash ret anyqtalǵan nusqanyń jıiligi ótken aptada 89,1%-ǵa jetti. Buryn bul kórsetkish shamamen 45,8%-dy quraǵan bolatyn.

Sonymen qatar, Portýgalııada koronavırýs juqtyrýdyń jańa jaǵdaılarynyń sany artyp, kúnine 2000 jaǵdaıdan asady.

Portýgalııanyń Densaýlyq saqtaý mınıstri Marta Temıdo jergilikti teledıdarǵa bergen suhbatynda jaǵdaı ózgermese, bul kórsetkish shilde aıynyń ortasyna qaraı eki ese artýy múmkin ekenin eskertti.

Pandemııanyń taǵy bir tolqynynyń aldyn alý úshin Portýgalııa úkimeti eń kóp zardap shekken 45 mýnıtsıpalıtetke, onyń ishinde el astanasy Lıssabon men eldiń ekinshi úlken qalasy Portoda túngi ýaqytta komendanttyq saǵatty engizýge sheshim qabyldady.

Alaıda mınıstr úkimetke jańa tótenshe jaǵdaı jarııalamaı jańa shekteýlerdi qalpyna keltirý qıyn bolady dep málimdedi, bul respýblıka prezıdenti Marselý Rebelý dı Sozdyń qoldaýyn qajet etedi.

Portýgalııa ulttyq vaktsınatsııa kampanııasynyń qarqynyn jedeldetýge tyrysýda, dúısenbide jańa rekordqa jetti – bir kúnde shamamen 141 myń doza egildi.

Portýgalııa halqynyń úshten bir bóligi qazirdiń ózinde olyǵymen vaktsınalanǵanyn eskere otyryp, 10 mıllıon halqy bar Eýropa eli vaktsınatsııa deńgeıi boıynsha álemde birinshi orynǵa shyqty. Bir táýlikte jergilikti turǵyndardyń shamamen 1,49% -y vaktsına alady.