Portýgalııada Eısebıonyń qazasyna baılanysty 3 kúndik qaraly kún jarııalandy
ASTANA. 6 qańtar. QazAqparat - Aty áıgili Portýgalııanyń fýtbolshysy Eısebıonyń jerleý rásimi búgin Lıssabonda ótedi. Bul týraly jergilikti basylymdar habarlady.
Eısebıo 72 jasyna qaraǵan shaǵynda jeksenbi kúni tańerteń Lıssabonda júregi syr berip, kóz jumdy.
Fýtbolshyny aqtyq saparǵa shyǵaryp salý «Benfıka» «Da Lýj» stadıonynda ótedi. Sonymen birge, Portýgalııada tanymal sportshynyń ólimine baılanysty úsh kún boıy ulttyq qaraly kún jarııalandy.
