Portýgalııada 56 myńnan astam adam jaryqsyz qaldy
ASTANA. KAZINFORM – Portýgalııada aýa raıynyń qolaısyzdyǵynan elektr jelilerine keltirilgen zaqym saldarynan keminde 56 myń adam áli de jaryqsyz otyr.
Jergilikti RTP telearnasynyń málimetinshe, qatty jel men nóser jańbyrmen qatar júrgen «Krıstın» daýyly eldiń birqatar óńirine aıtarlyqtaı zııan keltirgen.
Tabıǵı apat saldarynan myńdaǵan turǵyn elektr qýatynsyz qaldy.
Bılik ókilderiniń dereginshe, daýyl saldarynan bes adam qaza tapqan. Al keltirilgen jalpy shyǵyn kólemi 4 mlrd eýrodan asýy múmkin.
Portýgalııanyń elektr taratý kompanııasy E-Redestiń habarlaýynsha, qazirgi ýaqytta 56 myńǵa jýyq tutynýshy elektr energııasynsyz otyr. Kompanııa dúısenbi kúni tańǵy saǵat 8:00-de «Krıstın» tsıklonynyń áserine ushyraǵan aımaqtarda shamamen 48 myń abonent áli de jaryqsyz qalǵanyn málimdegen.
Tótenshe jaǵdaı saldaryn joıý úshin apat aımaǵyna 2,5 myń portýgalııalyq áskerı qyzmetker jumyldyryldy.
Aıta keteıik, jeksenbi kúni Portýgalııada ótken saılaýda sotsıalısterden usynylǵan kandıdat Antonıý Joze Segýrý jeńiske jetken bolatyn.