Portýgalııada 4,7 baldyq jer silkinisi boldy

ASTANA. KAZINFORM – Jer silkinisiniń oshaǵy Seısaldan ońtústik-batysqa qaraı shamamen 14 shaqyrym jáne el astanasy Lıssabonnan 20 shaqyrym jerde ornalasqan, dep habarlaıdy Euronews.

Portýgalııa teńiz jáne atmosfera ınstıtýty dúmpý jergilikti ýaqyt boıynsha 13:24-te tirkelgenin jáne aldyn ala málimet boıynsha, «materıaldyq shyǵyn kelmegenin» habarlady.

Jer silkinisi el astanasynda da aıtarlyqtaı sezilgen.

AQSh Geologııalyq qyzmetiniń málimetinshe, jer silkinisi magnıtýdasy 4,8 boldy. Eýropa-Jerorta teńizi seısmologııalyq ortalyǵy da magnıtýdany 4,8-ge jetti dep habarlaǵan.

Instıtýt sonymen qatar «jer silkinisiniń oshaǵyn anyqtaý kúrdeli protsess» jáne «ártúrli agenttikter sál basqasha nátıjeler taratýy múmkin» dep túsindirdi.

Áleýmettik jelide tikeleı efırde Praııa-da-Fonte-da-Telıada jer asty dúmpýleri bolǵan sáti kórsetilgen vıdeo jarııalanǵan.

Portýgalııada sońǵy ret ótken jyldyń 26 tamyzynda qatty jer silkinisi bolǵany atap ótildi. Ol kezde onyń magnıtýdasy 5,3 bolǵan.

Qosa keteıik, Portýgalııada naýqastar jedel járdemdi 10 saǵattan astam ýaqyt kútedi.