Portýgalııa jurtshylyǵy Qazaqstanmen tanysýda

NUR-SULTAN. QazAqparat - 20 qyrkúıek kúni Qazaqstan Elshisi Dáýlet Batyrashev Kamoensh atyndaǵy Portýgalııanyń halyqaralyq yntymaqtastyq jáne til ınstıtýtynyń Prezıdenti Joaý Rıbeırý de Almeıdamen birge Lıssabonda «Qazaqstan – táýelsizdikke 30 jyl, tarıhqa 556 jyl» atty kórmeni ashty.

Atalmysh shara Qazaqstan Respýblıkasy táýelsizdiginiń 30-jyldyǵyna oraı uıymdastyryldy, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Ashylý saltanatynda otandyq dıplomat elimizdiń táýelsizdik jyldaryndaǵy basty jetistikteri men halyqaralyq sahnadaǵy áserli tabystary týraly aıtyp, kórme portýgal aýdıtorııasy úshin kóshpeli órkenıettiń murageri bolyp tabylatyn Qazaqstanmen tanysýǵa jaqsy múmkindik bolatynyn atap ótti.

Іs-shara barysynda Qazaqstan Elshisi memleketimizde turaqty ekonomıkalyq ósim men azamattarymyzdyń ál-aýqatyn qamtamasyz etýge baǵyttalǵan ekonomıkalyq jáne saıası reformalardan habardar etti jáne portýgal tiline aýdarylǵan Prezıdent Qasym-Jomart Toqaevtyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýyn kópshilikke tanystyrdy.

Óz kezeginde, Kamoensh ınstıtýtynyń basshysy qazaqstandyq kórmeniń ashylýymen quttyqtaı otyryp, osy ekspozıtsııa portýgaldyqtar arasynda Qazaqstan týraly habardarlyǵyn keńeıtýge, mádenı-gýmanıtarlyq yntymaqtastyqty damytýǵa jáne halyqtar arasyndaǵy dostyq baılanystardy nyǵaıtýǵa kómektesetinine senim bildirdi jáne qazaqstandyq ekspozıtsııa Portýgalııa astanasynyń mádenı ómirine óz úlesin qosatyny sózsiz ekendigin aıtty.

Kórme jurtshylyqqa eki apta boıy ashyq bolady. Kelýshiler Qazaqstan tabıǵatynyń ásemdigimen, sheksiz keńistigimen, tabıǵı qoryqtarymen jáne tarıhymen, astanasy – Nur-Sultan qalasymen, túrki áleminiń tarıhı mádenı ortalyǵy – Túrkistan qalasy men Qoja Ahmet ıAssaýı kesenesimen, sondaı-aq Qazaqstan týraly kóptegen kitaptarymen, sonyń ishinde Tuńǵysh Prezıdent – Elbasy Nursultan Nazarbaevtyń «Táýelsizdik dáýiri» jáne «Qazaqtyń Kamoenshi» – Abaı Qunanbaıulynyń «Qara sózderi» portýgal tilindegi kitaptarymen tanysa alady.

Qazaqstandyq ekspozıtsııa eki el halyqtarynyń ózara tanymy men mádenı almasýynyń jaqsy dástúrlerin jalǵastyryp, kelýshilerge burynnan kele jatqan saıahat dástúrlerin jalǵastyrýǵa jáne Uly Dala Eli ashatyn jańa kókjıekterdi kórýge múmkindik beredi.