Portýgalııa prezıdentine shuǵyl ota jasaldy

ASTANA.KAZINFORM - Portýgalııa prezıdenti Marselý Rebelý de Soýza dúısenbi kúni keshke as qorytý júıesiniń buzylýynan keıin densaýlyq jaǵdaıy nasharlaǵan soń aýrýhanaǵa jatqyzyldy, dep habarlaıdy Euronews.

Prezıdent Portýdaǵy San-Jýan ýnıversıtetiniń aýrýhanasyna jatqyzylyp, oǵan gryjaǵa ota jasaldy. Prezıdent saıtynda jarııalanǵan habarlamaǵa sáıkes, ota sátti ótti.

CNN Portugal arnasyn habardar etken málimdemesinde aýrýhananyń dırektorlar keńesiniń tóraǵasy Marııa Jýan Baptısta otanyń jeńil ári der kezinde jasalǵanyn, eshqandaı asqynýlar bolmaǵanyn aıtty.

Prezıdent aýrýhanada eki kún em alady. Onyń aldaǵy jumys kestesi toqtatyldy.

Buǵan deıin Brazılııanyń burynǵy prezıdenti Jaır Bolsonarýǵa ota jasalǵany habarlanǵan bolatyn.

Sondaı-aq, biz Aq úı Tramptyń MRT nátıjelerin jarııalaǵanyn habarladyq.