Portýgalııa quramasynyń ańyzy Lýısh Nanı Aqtóbege keldi

ASTANA. KAZINFORM - Álem fýtbolynyń juldyzy aldaǵy kúnderi aqtóbelik klýbpen kelisimshartqa qol qoıady. Bul jóninde «Aqtóbe» komandasynyń baspasóz qyzmeti málim etti. 

Aqtóbege kele salysymen Lýısh Nanı «Aqtóbe» fýtbol ortalyǵynyń 2025 jyl qorytyndysy boıynsha úzdikterin marapattaý keshine qatysty. Biraq portýgalııalyq tanymal fýtbolshynyń bul is-sharaǵa arnaıy qonaq retinde qatysatyny aldyn ala aıtylǵan joq. Tosynsyı jasaǵan Nanı balalarmen júzdesip, olarǵa jyly jelibizn bildirdi. Sonymen qatar úzdik degen jasóspirimdermen birge dop teýip, olarǵa estelik syı-sııapat tabystady. 

Lýısh Nanı (tolyq aty-jóni Lýı́sh Kárlýsh Alméıda da Ký́nıa) Kabo-Verde astanasy Praıa qalasynda 1986 jyly 17 qarashasynda dúnıege kelgen. Portýgalııanyń «Sportıng Lıssabon» komandasynyń túlegi mansabyn 2005 jyly sol klýbta bastap, odan keıin Anglııanyń «Manchester ıÝnaıted», Túrkııanyń «Fenerbahche», «Adana Demırspor», Ispanııanyń «Valensııa», Italııanyń «Latsıo», «Venetsııa», AQSh-tyń «Orlando Sıtı», Aýstralııanyń «Melbýrn Sıtı» klýbtarynda dop tepti. 

Eske sala keteıik, budan buryn qyzylordalyq «Qaısar» fýtbol klýby tanymal fýtbolshy Vıktor Mozespen kelisimshartqa qol qoıǵanyn málimdedi.