Portýgalııa fýtbolshysy «Tobylǵa» aýysty
NUR-SULTAN. QazAqparat – Portýgalııa eliniń fýtbolshysy Karlos Fonseka Qostanaıdyń «Tobylyna» aýysty, dep habarlaıdy QazAqparat.
«Tobyldyń» resmı saıty jańa oıynshylar týraly aqparatty jarııalady. Karlos Fonseka – Portýgalııanyń «Santa-Marııa» fýtbol mektebiniń túlegi, ol munda eki jyl dop tepti. Buǵan qosa Karlos «Tırsense» jáne «Feırensı» komandalarynda oınady.
«2013 jyly Fonseka «Chernomorets» (Býrgas) ujymyna qosyldy. Keıin Sofııanyń «Slavııasyna» aýysty. Qazaqstanda portýgaldyq oıynshy «Ertis» quramynda óner kórsetip keldi. Fonseka 2015 jyly pavlodarlyqtardyń fýtbolshysy atandy. Sońǵy jyldary ol «Ertistiń» kapıtany qyzmetin atqardy. Havbek Qazaqstan chempıonatynda 150 match ótkizip, 23 gol soqty jáne 15 golǵa múmkindik jasady», delingen klýbtyń resmı saıtyndaǵy aqparatta.
Qostanaılyqtar sapyna Qazaqstan quramasynyń qorǵaýshysy Sergeı Malyı da qosyldy. Qorǵaýshymen kelisimshart 2020 jyldyń sońyna deıin jasaldy.
