Portýgalııa fýnıkýlerdegi apattan qaza tapqandardy aza tutý jarııalady

ASTANA. KAZINFORM – Portýgalııa bıligi kóptegen adam qaza taýyp, jaraqat alǵan «Glorııa» fýnıkýlerindegi apatqa baılanysty ulttyq aza tutý jarııalady, dep habarlaıdy Kazinform menshikti tilshisi.

- Bizdiń qala buryn-sońdy mundaı qaıǵyly oqıǵany kórmegen7 Sondyqtan ulttyq azamen qatar qaıǵyly oqıǵa bolǵan Portýgalııa qalasynyń keńesi de úsh kúndik aza tutý jarııalady, - dep málimdedi Lıssabon meri Karlýsh Mýedash. 

Eske sala ketsek, 3 qyrkúıekte Lıssabondaǵy týrıster arasynda tanymal «Glorııa» fýnıkýleri relsten shyǵyp ketti. 

Soqqynyń kúshti bolǵany sonshalyq, vagon «kaǵaz úı sııaqty opyryldy», - dedi kýágerlerdiń biri SIC telearnasyna. 

Apattan 15 adam mert bolyp, 18 adam jaraqat aldy, sonyń ishinde beseýiniń jaǵdaıy aýyr. Qaza bolǵandar men zardap shekkenderdiń ulty týraly ázirge eshteńe aıtylǵan joq, biraq olardyń arasynda shetel azamattary bar ekeni belgili. 

«Glorııa» fýnıkýleri – Portýgalııa astanasynyń vızıttik kartalarynyń biri jáne eldiń ulttyq eskertkishi retinde tanylǵan.