Portýgalııa-Frantsııa: negizgi ýaqytta jeńimpaz anyqtalmady
PARIJ. QazAqparat - Portýgalııa men Frantsııa arasyndaǵy fınaldyq matchtyń ekinshi taımynda da jeńimpaz anyqtalmady. Esep tablosy - 0:0 qalpynan ózgermedi.
Ekinshi qyryqmınýttyqta alańda jaǵdaı ózgermedi. Dıde Deshama izbasarlary qarsylastaryna qysym kórsetip, alańda basym júrdi.
Antýan Grızmann taǵy da kózge tústi. 59-shy mınýtta frantsýzdardyń úzdik shabýylshysy buryshqa taıaý dop jberip, aıyp alańynda ony qýyp jeti. Alaıda portýgaldar golkıperi Rýı Patrısıý ózine senimdi bolatyn.
Birshama ýaqyttan soń Grızman bylǵary dopty Kıngslı Komanadan alyp qaqpaǵa tepti, alaıda ol qaqpanyń ústinen ushyp ótti.
76-shy mınýtta Olıve Jırý qarsylastarynyń aıyp alańynda jaqsy jerge ornalasty, sol jerden «Arsenal» forvardy alys buryshtan ári qatty ári dál dop jiberdi. Portýgal golkıperi sol mezette úlgerip qaqpasyn qorǵap qaldy.
80-shy mınýtta Nanı men Kýarejma bastaǵan portýgaldar sırek qarsy shabýyl jasady. Nanı qaqpa ústin kózdegen, frantsýz golkıperi Ýgo Lorıs dopty Kýarejma aıaǵynan qaǵyp aldy.
Úsh mınýttan soń Sıssoko alys buryshtama soqty. Rýı Patrısıý oqtaı ushqan dopty sekirip qaǵyp tústi.
93-shy mınýtta Patrıs Evra Andre-Per Jınıaka dobyn alyp kenet burylyp, taıaý buryshtama baǵyttady. Biraq dop qaqpa shetine soǵyldy.
Osylaısha komandalar alańda jarty taǵy jarty saǵattaı ýaqyt júrýine týra keledi, óıtkeni negizgi ýaqytta jeńimpaz anyqtalmady.
