Portýgalııa-Frantsııa: 1-taımda esep 0:0
PARIJ. QazAqparat- Fýtboldan Eýropa chempıonatynyń aqtyq matchy - Portýgalııa men Frantsııa quramalary arasyndaǵy oıynnyń birinshi taımynan keıin esep tablosy 0:0 bolyp qala berdi.
Alǵashqy mınýttan bastap Frantsııa quramasy belsendi boldy, portýgaldar qorǵanýǵa kóshti.
8 mınýtta Krıshtıaný Ronaldý Frantsııa quramasynyń oıynshysy Dımıtrı Paıetpen soqtyǵysyp qaldy. Frantsýz quramasynyń oıynshysy portýgaldyqty tizesinen soǵyp ótken.
Bastapqyda Ronaldý jaraqaty jeńil sekildi kóringen, aýyrsynǵanyna qaramastan syltı basyp oınap júrdi. Alaıda 25 mınýtta portýgaldyq alańǵa jata ketti, ony zembilge salyp trıbýna astyndaǵy ǵımaratqa alyp ketti.
10-shy mınýtta «kók formadaǵy» forvard Antýan Grızmann qaqpanyń ústine dopty baspen soǵyp baǵyttady, Portýgalııa quramasynyń qaqpashysy Rýı Patrısıý dopty qaǵyp aldy.
Budan keıin Olıve Jırý buryshtan portýgaldyq golkıperge dop baǵyttady. Sodan soń frantsýzdardyń jartylaı qorǵaýshysy Mýssa Sıssoko birneshe márte qaqpaǵa dop salatyndaı áreket jasady.
Birinshi taım ortasynda frantsýzdardyń órshelengen shabýylyn qarsylastary toıtara bildi. Oıyn sońynda kórermender qaqpaǵa kirgen dopty kóre almady.
