Portýgalııa Eýroodaq keńesin basqarady

LISSABON. QazAqparat – Portýgalııa Eýroodaq keńesiniń tóraǵalyǵyn Germanııadan qabyldap aldy, dep habarlaıdy QazAqparat Euronews-ke silteme jasap.

Basshylyq ár jarty jyl saıyn EO-ǵa múshe 27 memleket arasynda aýysyp otyrady.

Endi Lıssabon men Brıýsseldiń aldynda jaýapty mindet tur. Eýropa pandemııanyń úshinshi tolqynynyń basynda birtindep jappaı vaktsınatsııany bastaıdy. Onyń jetistigi Eýroodaqtyń turalap qalǵan ekonomıkasyna oń áser etedi dep kútilip otyr.

Sondaı-aq aldaǵy 6 aıda Eýroodaq ótken jyldyń sońǵy kúnderinde qol jetkizilgen «breksıt» boıynsha máselelerdi retteýi tıis.