Portýgalııa bet-álpetti jaýyp turatyn kıim kııýge tyıym salyndy
ASTANA.KAZINFORM - Portýgalııa prezıdenti Antonıý Joze Segýrý qoǵamdyq oryndarda betti jasyrýǵa arnalǵan nemese jeke basyn anyqtaýǵa kedergi keltiretin kıim kııýge tyıym salatyn zańǵa qol qoıdy, dep habarlaıdy agenttiktiń Brıýsseldegi tilshisi.
Atalǵan zań parlamentte osy jyldyń shildesinde qabyldanǵan.
Portýgalııada jynysyna, dinine, jasyna nemese tegine baılanysty sebeppen adamnyń betin jabýǵa májbúrleýge de tyıym salynǵan.
Zań talaby abaısyzda buzylǵan jaǵdaıda 150 eýrodan 750 eýroǵa deıin, al qasaqana buzǵany úshin 400 eýrodan 3000 eýroǵa deıin aıyppul salynady.
Ǵıbadat oryndaryna, dıplomatııalyq mıssııalarǵa, ushaqtarǵa jáne densaýlyǵyna baılanysty, kásibı qyzmetine, kórkemdik jumystarǵa nemese aýa raıyna baılanysty erekshe jaǵdaılar qarastyrylǵan.
Bul bastamany ońshyl Chega partııasy usyndy jáne ol bıleýshi ortalyq-ońshyl koalıtsııanyń qoldaýyna ıe boldy.
Eldiń solshyl partııalary bul bastamaǵa qarsy daýys berdi.
Prezıdent Antonıý Segýrý ashyq bet-álpet adamnyń jeke basy men qarym-qatynasynyń negizgi elementi, sondaı-aq áleýmettik senimniń mańyzdy faktory ekenin atap ótti.
Portýgalııa – mundaı shekteý engizgen eýropalyq elderdiń biri. Atalǵan ereje Frantsııa, Belgııa, Aýstrııa, Danııa jáne basqa da birqatar elderde qazirdiń ózinde bar.
Portýgalııada orman órtimen 2 myńnan astam adam kúresip jatqanyn jazǵan edik.
