Portýgalııa alapat orman órtimen kúresip jatyr

NUR-SULTAN. QazAqparat – Jeksenbi kúni Portýgalııanyń qurlyqtaǵy bóliginde 11 orman órtin sóndirýge eki myńǵa jýyq adam tartyldy. Bul týraly eldiń tótenshe jaǵdaılar jónindegi ulttyq qyzmet basshysy Andre Fernandesh aıtty, dep habarlaıdy QazAqparat euronews silteme jasap.

Órtpen kúresýge arnaıy avıatsııa men júzdegen tehnıka jumyldyryldy. Fernandeshtiń aıtýynsha, Vıla-Real mýnıtsıpalıtettinde, Lıssabon mańyndaǵy Alenkerde jáne Ýremde jaǵdaı qıyn. Bul aýdandarda aýa ylǵaldylyǵy tómen jáne jed ekpini kúshti. Seısenbige deıin eldegi birqatar óńirde orman alqabyna jaqyndaýǵa qatań shekteý qoıyldy.

Sońǵy aptada, Portýgalııanyń ulttyq órt sóndirý qyzmetiniń baǵalaýynsha, tek Serra-da-Eshtrela taýlarynda 30 myń gektar alqapty órt sharpyǵan.

Vıdeodan alynǵan kadr