Portýgaldardyń súńgýir kemesi aýǵa túsip qaldy
ASTANA. QazAqparat - Portýgaldardyń Tridente synybyna jatqyzylatyn súńgýir kemesi Ulybrıtanııa jaǵalaýynda frantsýzdyq traýlerdiń aýyna túsip qaldy, dep habarlaıdy Bı-Bı-Sı agenttigi.
Oqıǵadan eshkim zardap shekpegen. Súńgýir keme Lam-Mansh buǵazyndaǵy araldan Ulybrıtanııa teńiz kúshterimen birge júzip júrgen. Ekıpaj bir ýaqytta kemeniń júrýine birdeńe kedergi kelip turǵanyn baıqaǵan.
Sý betine kóterilgende ǵana, sý asty kemesiniń jaqyn mańda júrgen frantsýzdardyń «Daıton» atty tarýleriniń balyq aýlaıtyn aýyna oralyp qalǵanyn kórgen. Sý asty kemesi aýdan shyǵaryldy.
Tridente synybyndaǵy súńgýir keme elektrmen júredi, dızeldik qozǵaltqyshyn tek sý betine shyqqanda ǵana paıdalanady. Onyń uzyndyǵy - 68 metr, syıymdylyǵy eki myń tonna.
