Portýgal fýtbolshysy Krıshtıaný Ronaldýǵa Madeıro aralynda eskertkish ornatyldy
ASTANA. QazAqparat - Portýgal fýtbolshysy Krıshtıaný Ronaldýǵa óziniń týǵan jerinde eskertkish ornatyldy, saltanatty rásimge onyń ózi de qatysty, dep habarlady TASS.
Saltanat ústinde oǵan aımaq aldynda sińirgen eńbegi úshin medal tapsyryldy.
«Bul men úshin úlken qurmet, - dedi fýtbolshy. - Qazir men bul qurmetke úlken tolqý ústindemin. Bul men úshin erekshe kún jáne ol meniń budan ári jigerlene túsýime dem beredi».
Budan buryn Krıshtıaný Ronaldý «Real» quramynda klýbtyń álem chempıonatynda jeńimpaz boldy. Fınalda onyń komandasy argentınalyq «San-Lorenso» fýtbolshylaryn 2:0 esebimen utty.
Krıshtıaný Ronaldý jyldyń eń úzdik fýtbolshysyna beriletin «Altyn doptyń» eki márte ıegeri. Portýgalııalyq fýtbolshy «Realǵa» 2009 jyly 93,4 mln. eýroǵa aýysty. Bul kezde ol Ispanııa chempıony, 2011 jáne 2014 jyldardaǵy Kýbok ıegeri jáne 2012 jylǵy Ispanııanyń Sýperkýbogynyń, sondaı-aq Chempıondar lıgasynyń (2014) jáne ÝEFA Sýperkýbogynyń ıegeri boldy.
