Porsche kompanııasynyń tabysy tómendedi
ASTANA. KAZINFORM — Sporttyq avtokólik óndirýshisiniń salyqtardy tólegennen keıingi taza paıdasy 2025 jyly 310 mıllıon eýro boldy. Osylaısha Porsche paıdasynyń 91,4% azaıǵanyn tirkedi, dep habarlaıdy BELTA.
Tabys shamamen 10% tómendep, 36,3 mıllıard eýroǵa jetti. Buǵan Qytaı naryǵyndaǵy máseleler, AQSh-tyń tarıfterge baılanysty joǵary shyǵyndar jáne ishten janatyn qozǵaltqyshtardyń qyzmet etý merzimin uzartýǵa baǵyttalǵan strategııa sebep boldy.
Porsche kompanııasynyń jańa bas dırektory Mıhael Laıters óziniń modeldik quramyn qaıta qurýǵa jáne únemdeý sharalaryn júzege asyrýǵa ýáde beredi. Biraq munyń bári kúrdeli naryqtyq jaǵdaılar men geosaıası turaqsyzdyq jaǵdaıynda oryndalmaq.
Volkswagen kantserniń salyqtardan keıingi taza paıdasy 2025 jyly shamamen 44% tómendep, ótken jylǵy 12,4 mıllıard eýrodan 6,9 mıllıard eýroǵa deıin azaıǵan bolatyn. Alaıda tabys ótken jylmen salystyrǵanda ózgerissiz qaldy, shamamen — 322 mıllıard eýro.
Aıta keteıik, byltyr elimizde 235 myń avtokólik satyldy. Olardyń arasynda otandyq ónimniń úlesi basym.