Poroshenko Ýkraınaǵa bitimgershilik kontıngentiniń kirgizilýine qarsy ekenin jetkizdi
ASTANA. QazAqparat - Ýkraına prezıdenti Petr Poroshenko Ýkraınanyń ońtústik-shyǵysyna bitimgershilik kontıngentiniń kirgizilýine qarsy ekenin bildirdi, dep habarlady RBK.
«Donbassta eshqandaı bitimgershilik kontıngenti bolmaıdy. Ótkeni Prıdnestrove jáne ózge de jerlegei kontıngenttiń kirgizilý tájirıbesi eldiń egemendiginen aıyrylýyna ákeletinin kórsetedi. Sondyqtan Ýkraınada eshqandaı bitimgershilik kúshteri bolmaıdy», - dedi ol.
Osyǵan deıin Ýkraına aýmaǵyna bitimge keltirýshilerdi kirgizý týraly usynysty eldiń eks-prezıdenti Leonıd Kýchma jasaǵan edi. «Ýkraına men Reseı shekarasyna «qulyp salmaı», beıbitshilik týraly aıtý jón emes. Shekarany baqylaýǵa EQYU-ny nemese odan da jaqsysy BUU-nyń bitimgershil kúshterin tartý kerek. Sonda biz senimdirek bolar edik», - dedi ol.
