Poroshenko HVQ-dan qosymsha qarjylaı kómek surady
ASTANA. QazAqparat - Ýkraına Prezıdenti Petr Poroshenko men HVQ dırektory Krıstın Lagard eldegi ekonomıkalyq ahýaldy jáne taraptardyń Stand-By HVQ baǵdarlamasynyń sheńberinde mindettemelerdi oryndaý barysyn talqylady, dep habarlady Interfaks memleket basshysynyń baspasóz qyzmetine silteme jasap.
«Petr Poroshenko Krıstın Lagardqa Ýkraınanyń Halyqaralyq valıýta qorynyń aldyndaǵy mindettemeleriniń oryndalýyndaǵy júıelilikti málimdedi. Prezıdent HVQ-ny Ýkraına úshin qarjylaı kómekti ulǵaıtýdy qarastyrýǵa shaqyrdy», - delingen habarlamada.
Óz kezeginde Lagard Ýkraınaǵa qoldaý kórsetip, jańa úkimettiń parlamenttik koalıtsııasynyń qurylýyna oń baǵa berdi. «Bul Ýkraınada reformalardy júzege asyrýǵa jáne qarjy-ekonomıkalyq jaǵdaıdy turaqtandyrýǵa yqpal etetin bolady», - dep atap ótti ol.
