Pornografııalyq sýretterin jarııalaǵan kókshetaýlyqqa qatysty qylmystyq is qozǵaldy
KÓKShETAÝ. QazAqparat - Jarnama saıttarynda pornografııalyq sıpattaǵy fotosýretterin taratqan kókshetaýlyq boıjetken anyqtaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 2021 jyldyń aqpan aıynda Kókshetaý qalalyq PB jedel-krımınaldyq bólimshesine Kókshetaý qalasy aýmaǵynda «Sveta» degen atpen bir boıjetken saıttarda pornografııalyq sıpattaǵy fotosýretterdi taratyp, jarnamalap júrgenindigi týraly aqparat tústi.
«Atalǵan fakti boıynsha 9 aqpanda «Antifraud» jedel aldyn alý is-sharasy barysynda polıtseıler Kókshetaý qalasynyń 21 jastaǵy turǵynyn anyqtady, ol óz kinásin moıyndady. Belgili bolǵanyndaı, ol ótken jyly osyndaı quqyq buzýshylyq úshin jaýapqa tartylǵan. Sonymen birge, onyń bir jyldan astam ýaqyt buryn ıntımdik sıpattaǵy qyzmetterdi kórsete bastaǵany jáne osylaısha ózin túrli saıttarda jarnamalaǵanyda belgili boldy», - dedi vedomstvodan.
Qazirgi kezde, boıjetkenge qatysty Qylmystyq kodekstiń 311-baby «pornografııalyq materıaldardy nemese zattardy zańsyz taratý» boıynsha sotqa tergeý amaldary júrgizilýde.
