Pontonshylar tájirıbelerin shyńdady - QR QM
Ofıtserler merzimdi qyzmettegi sarbazdarǵa pontondy ózen ótkeli arqyly qalaı durys paıdalaný kerektigin, ózine bekitilgen qarýdan atýdy, senip tapsyrylǵan ınjenerlik tehnıkany sheber basqarýdy úıretti.
Dalalyq jattyǵýlar pontondy-kópir batalonynyń rota men vzvod komandırlerine shtattyq tehnıkany keń túrde tájirıbe júzinde paıdalaný úshin tapsyrmalar qoıý tájirıbesin jetildirýge múmkindik jasady. Serjanttar komandırlerdiń bergen nusqaýlaryn qabyldaýdy jáne óz baǵynysyndaǵylarǵa kúrdeli jaǵdaıda tapsyrma berýdi úırendi.
Batalon basqarmasy bólimshege taktıkalyq-arnaıy daıyndyqtyń barlyq taqyryptary boıynsha tapsyrmalardy oryndaýy úshin taktıkalyq jaǵdaı týǵyzdy. Bul tapsyrmalardy oryndaý belgilengen normatıvter boıynsha júıeli túrde júzege asyryldy.
Normatıvter boıynsha tapsyrmalardy oryndaý nátıjesinde pontondy qurastyrý jáne jınaýdan, qarýdan atýdan jáne tehnıka júrgizýden eń úzdik eseptoptar belgili boldy.
«Dala jattyǵýlary ınjenerlik-saperlik áskerleriniń ofıtserleri men sarbazdaryna sheberlikterin shyńdaýǵa, jekelegen eseptoptardyń ózara is-qımylyn qalyptastyrýǵa septigin tıgizedi. Dala jattyǵýlary kezinde qoıylǵan tapsyrmalar tolyq kólemde oryndaldy», -dedi batalon komandıri maıor Samat Muqanov.
Pontondy-kópir bólimsheleri áskerler men áskerı tehnıkany ózenderden bógetterden ótkizýdi uıymdastyrýǵa arnalǵan. Pontondy bólimshelerdiń kómegimen sý bógetterinen 20 tonnadan astam júkterdi ótkizýge múmkindik bar.