Pompeıde vandalızm jasaǵan qazaqstandyq týrıst ustaldy

ASTANA. KAZINFORM – Pompeı arheologııalyq parkindegi Tseev úıiniń ejelgi qabyrǵasyna «ALI» sózin jazǵan qazaqstandyq ustaldy. Er adam kelgen zalaldy óteıdi. Bul jaıynda Euronews habarlady.  

Senbi kúni tańerteń qaýipsizdik qyzmetkerleriniń Pompeı arheologııalyq parkinde ornalasqan Tseev úıindegi ashyq sylaqqa ALI áripterin oıyp jazǵan Qazaqstannan kelgen týrısti ustaǵanyn Euronews-ke murajaıdyń pıar-keńsesi habarlaǵan. 

Oqıǵa týraly park janynda ornalasqan statsıonarlyq karabıner postyna habarlandy, sodan keıin buzaqy ustaldy. 

Sondaı-aq, týrıst sáýlet eskertkishine kelgen zalaldyń ornyn toltyrýy kerek, al onyń naqty somasy tehnıkalyq saraptama júrgizilgennen keıin belgili bolady. 

Pompeıdegi Tseev úıi

1913-1914 jyldary qazylǵan Tseev úıi - sońǵy samanıt kezeńindegi (b.z. d. II ǵasyr) ejelgi turǵyn úıdiń sırek kezdesetin mysaldarynyń biri.

Úıdi Magıstrat Lýtsıı Tseı Sekýnd ıelengen dep sanaıdy, buǵan úıdiń syrtqy qasbetinde jazylǵan jazý dálel.

Aq sylaqpen jáne tekshe usharbastary bar bıik baǵanaly úıdiń qasbeti sol kezeńdegi bedeldi adamnyń úıi bolýy kerek degendi bildiredi.