Pompeıdi qutqarý 105 mıllıon eýroǵa túspek
ASTANA. 7 sáýir. QazAqparat - Italııa ókimet oryndary ıÝNESKO-nyń mádenı muralar tizimine engizilgen ejelgi rımdik Pompeı qalasyn qutqarý jobasyn ázirledi, dep habarlady Lenta.rý.
Joba 105 mıllıon eýroǵa baǵalanyp otyr. ANSA agenttiginiń habarlaýynsha, álemdegi eń iri arheologııalyq keshenge aqshany Eýropalyq aımaqtyq damý qory bólmek.
Qalany qalpyna keltirý jospary 2015 jylǵy jeltoqsanǵa deıin júzege asyrylmaq. Bul jumystardy júrgizýge 5 sáýirde Neapolda qol qoıyldy, oǵan Italııa premer-mınıstri Marıo Montı men mádenı muralar mınıstri Loreno Ornagı qol qoıdy.
Montı jobanyń basty mindeti qıraǵan nysandardy qorǵaý jáne olardy nyǵaıtý ekendigin aıtty. Premer-mınıstr jumystar adal bıznestiń qatysýymen tıimdi júrgiziletinin jáne oǵan «uıymdasqan qylmystyq toptar» jiberilmeıtinin atap kórsetti.
Ol sondaı-aq jobaǵa bastamashy bolǵan Sılvıo Berlýskonı basqarǵan burynǵy úkimetke alǵysyn bildirdi.
Pompeıge 2000-2006 jyldary 7,7 mıllıon eýroǵa jýyq qarjy bólingenine qaramastan, sońǵy jyldary keshen aýmaǵyndaǵy ǵımarattar búline bastaǵan. Máselen, 2010 jylǵy qarashada eki myń jylǵa jýyq buryn salynǵan Pompeıdegi «gladıatorlar úıi» qırady.
Pempeı bizdiń jyl sanaýymyzdaǵy 79 jyly Vezývıı janartaýynyń atqylaýynan kúlge kómilip, qıraǵan bolatyn. Ǵalymdar onyń ejelgi beınesi saqtalyp qalǵandyqtan bizdiń dáýirimizdegi І ǵasyrda rımdikter qalaı turmys keshkenin anyqtady. Pompeıde jyl saıyn 2,5 mıllıon týrıst bolady.
