«Polıar arýynyń» 900 jyldyq mýmııasy tabyldy
ASTANA. QazAqparat - ıAmal-Nenets avtonomdy okrýgindegi «Jasyl jar» kesheninde júrgizilgen qazba jumystary kezinde arheologtar HІІ ǵasyrda jerlengen mýmııany tapty.
Arheologtar adam súıegi 35 jas shamasynda qaıtys bolǵan jas sulý áıelge tıesili degen sheshimge keldi, dep habarlaıdy Siberian Times.
Áıel HІІ ǵasyrda ómir súrgen, boıy 155 sm. Ǵalymdar áıeldiń kirpigi uzyn, shashy qalyń jáne tisteriniń myqty bolǵandyǵyn dáleldedi.
Sondaı-aq 2017 jyly «Jasyl jar» kesheni aýmaǵynda bir jas náresteniń mýmııasy tabylǵan bolatyn. Alaıda, DNQ saraptamasy tabylǵan eki mýmııa arasynda eshqandaı baılanys joqtyǵyn anyqtady.
Foto; ınstıtýt problem osvoenııa severa RAN
