Polıak saıahatshysy Astana týraly: Dýbaı ma dep tańdanǵanym esimde...

Jıhankez jolaı qazaq eline de soǵady. Ári saıahatshylar bizdegi ıÝNESKO mádenı muralarynyń tizimine engen 33 nysanǵa arnaıy at basyn burýdy josparlap  otyr.

Saıahtshynyń Varshavadaǵy úıi murajaıǵa bergisiz. Eýropada Palkevıchtiń esimi erlik pen kózsiz batyrlyq sózderimen qosa atalady. Atlantıkany jeńil qaıyqpen júzip ótip, Sahara shólin oısyl qara túıemen, al sary aıazy saqyldaǵan ıAkýtııany buǵymen  baǵyndyrǵan saıahatshy osy. Eýropada alǵash  bolyp, «tabıǵattyń qushaǵynda tiri qalý» mektebin qurǵan sabazyńyz da osy adam. Endi mine «Uly Jibek Joly» halyqaralyq ekspedıtsııasyn qolǵa almaq. Maqsat - jeti memleketti basyp ótip, 10 myń shaqyrymdy júrip ótý, jol boıyndaǵy elderdiń mádenı baılanystaryn bekemdeý.

Sanaly ǵumyrynyń qyryq jylyn el men jer kezip ótkizgen jıhangez 30-ǵa jýyq jınaq jazyp úlgergen. Jaı jınaq emes, ǵylymı negizderi bar tom-tom bolyp qattalǵan úlken eńbek. Saıahatshy Qazaqstannyń bas qalasy  júregine jaqyn ekendigin jasyrmaıdy. Ekspedıtsııa arqyly qazaq jeriniń kıeli jerlerin álemge áıgileý meniń negizi maqsatym deıdi ol.

«10 jyl buryn ǵana Eýropa elderi Astananyń qaıda ekenin bilmeıtin edi. Qazir Qazaqstandy Ortalyq Azııanyń eń damyǵan eli dep  tanyıdy. Men bul eldi 20 jyl buryn kórgenmin, jaqynda kezekti ret barǵanymda óz kózime ózim senbedim. Ushaqta otyryp, mynaý qaı qala? Dýbaı ma dep tańdanǵanym  esimde», - deıdi saıahatshy. 

Palkevıchtiń jetekshilik etýimen «Uly jibek joly 2018» halyqaralyq ekspedıtsııasy osy kóktemde saparǵa shyǵady. Qytaıda bastalyp, Qazaqstan, Qyrǵyzstan, Ózbekstan, Reseı, Belarýsti júrip ótip, Polshada toqtaıtyn kerýen kóshi - jeti memlekettiń jerimen júrip ótpek. Bul rette «Jibek Jolynyń» júregi sanalatyn Qazaqstanda 12 kún boıy aıaldap, elimizdiń ıÝNESKO mádenı muralarynyń tizimine engen nysandaryn da vıdeoǵa túsirý josparda bar.

Foto: 24.kz