Polshanyń eks-prezıdenti jýrnalıst bolmaqshy

ASTANA. KAZINFORM — Polshanyń burynǵy prezıdenti Andjeı Dýdanyń jýrnalıstıka mamandyǵyn tańdaýǵa bel baılaǵany belgili boldy. Bul týraly X áleýmettik jelisinde Kanal Zero ınternet-arnasynyń negizin qalaýshy Kshıshtof Stanovskıı habarlady.

— Men Kanal Zero-da jańa avtordyń paıda bolǵanyn habarlaǵanyma óte qýanyshtymyn. Prezıdent Andjeı Dýda 16 ózekti taqyryp boıynsha 16 shoý daıyndaıdy, — dep jazdy Stanovskıı.

Onyń aıtýynsha, burynǵy polıak kóshbasshysy daıyndaǵan shoýlarda «ondaǵan áńgimelesýshi men olardyń jaǵdaılarǵa, estelikter men ózekti máselelerge kózqarastary» kórsetiledi.

Zero arnasy YouTube beıneservısinde taratylady. Bul arna Polshanyń eń iri oppozıtsııalyq «Zań jáne Ádilet» partııasymen baılanysy bar dep esepteledi.

Tamyz aıynda Dýda prezıdent retindegi jumysyn «beske» baǵalap, alty baldyq júıeni qoldanǵanyn atap ótti.

Polshada 1 maýsymda ótken prezıdent saılaýynyń ekinshi týrynda eń iri oppozıtsııalyq «Zań jáne ádilet» partııasynyń kandıdaty Karol Novrotskıı jeńiske jetti. Ol 50,89 paıyz daýys jınasa, onyń qarsylasy bıliktegi «Azamattyq koalıtsııanyń» ókili Rafal Tshaskovskıı 49,11 paıyz daýys jınady.

Eske sala keteıik, tamyz aıynda Karol Navrotskıı Polsha prezıdenti qyzmetine kiristi.