Polshaǵa qysqy aýa raıy qaıta oraldy

ASTANA. KAZINFORM – Polshanyń meteorologııalyq qyzmeti Arktıka aýasynyń Ortalyq Eýropaǵa enýinen ornaǵan aıaz týraly eskertti. Eldiń basym bóliginde kún sýytty, dep habarlaıdy Euronews. 

Bir-eki apta buryn Polshaǵa jaz kelgendeı boldy. Termometr baǵanasy +26 gradýsqa deıin kóterilip, odan da joǵary boldy. 

Alaıda demalys kúnderi eldiń kóp bóligine qysqy kún raıy qaıta oraldy. Keıbir aımaqtarda túnde aýa temperatýrasy nólden tómen tústi. Jańbyr, qar aralas jańbyr jaýdy. 

Meteorologııalyq qyzmet Arktıka aýasynyń Ortalyq Eýropaǵa enýinen bolǵan aıaz týraly eskertti. 

Dese de, Polsha turǵyndary aýa raıynyń qubylýyna tań qalmaı, sáýir aıynda ádette kún raıy turaqsyz bolatyny qalypty jaǵdaı ekenin aıtyp jatyr.