Polshadaǵy týrnırde qazaqstandyq balýandar taǵy eki medal jeńip aldy
ASTANA. KAZINFORM – Grek-rım kúresinen Qazaqstan quramasynyń sportshylary Varshavada ótip jatqan halyqaralyq týrnırde taǵy eki júldege ıe boldy.
Ulttyq olımpıadalyq komıtettiń málimetinshe, jerlesterimiz 63 kelige deıingi salmaq dárejesinde úzdik shyqqan.
Baqytjan Qabdyl fınalǵa deıin jetip, sheshýshi beldesýde Qyrǵyzstan sportshysy Jolaman Sharshenbekovke ese jiberip, kúmis júldeger atandy. Al Saıfýlla Qurman jarysty qola júldemen aıaqtady.
Aıta keteıik, munyń aldynda Dıas Qaltaı (82 kelige deıin) men Erzat Erlanov (97 kelige deıin) úshinshi orynǵa ıe bolǵan edi.
Sondaı-aq keshe Grekııa astanasy Afıny qalasynda ótip jatqan áıelder kúresinen 17 jasqa deıingi jasóspirimder arasynda álem chempıonatynda Madhııa Ýsmanova (57 keli) altyn medal jeńip aldy.