Polshada parlament saılaýy ótip jatyr
Polshada jeksenbi, 15 qazan kúni parlament saılaýy ótip jatyr. Oppozıtsııany basqaratyn Donald Týsk úshin de, bıleýshi partııany basqarýshy ıAroslav Kachınskıı úshin de Polshadaǵy parlamenttik saılaýdaǵy jeńilis - saıası mansaptyń aqyry bolýy múmkin, dep habarlaıdy Kazinform agenttigi DW jańalyqtaryna silteme jasap.
Sońǵy saýalnamalarǵa sensek, premer-mınıstrdiń orynbasary ıAroslav Kachınskııdiń bıleýshi ulttyq konservatıv «Quqyq jáne ádilet» partııasy (PıS) 34 paıyz daýys jınap, burynǵy oppozıtsııalyq lıberal konservatıvti «Azamattyq platforma» partııasynan sál ǵana alda keledi.
Polsha premer-mınıstri jáne Eýropa keńesiniń burynǵy tóraǵasy Donald Týskqa saılaýshylardyń 32 paıyzy daýys berýge daıyn.
Jeńiske jetken jaǵdaıda básekelesterdiń árqaısysy úkimettik koalıtsııa qurý úshin seriktes izdeýi kerek.
Bul rette Ýkraınaǵa kómek kórsetýdi toqtatýdy jaqtaıtyn ásire ońshyl «Konfederatsııa» partııasy «Quqyq jáne ádilet» partııasyna serik bolýy múmkin.
Donald Týsktiń halyqaralyq saıasattaǵy partııasy AQSh jáne Eýropalyq Odaq baǵytyn jaqtaıdy, sonymen qatar Reseı men Ýkraına shıelenisine qatysty eýropalyq baǵytty ustanady.
Jeńiske jetken jaǵdaıda partııa eldiń eýroǵa kóshýin, júktiliktiń 12-shi aptasyna deıin túsik jasatýdy zańdastyrýǵa jáne bir jynysty nekeni zańdastyrýdy qarastyrýǵa ýáde bergen.
