Polshada qos otandasymyz shańǵymen tuǵyrdan sekirýden júldege ıe boldy
ASTANA. KAZINFORM — Polshanyń Zakopane qalasynda shańǵymen tuǵyrdan sekirýden ótip jatqan «Orlen Cup» halyqaralyq týrnırinde qazaqstandyq sportshylar eki medal jeńip aldy, dep habarlaıdy Sport jáne dene shynyqtyrý isteri komıtetiniń baspasóz qyzmeti.
— HS-70 tramplıninde baq synaǵan Qazaqstan quramasynyń ókili Kereıhan Qabdýlla úzdik nátıje kórsetip, barlyǵy 251,5 upaı jınap, 1-oryndy ıelendi. Sondaı-aq Aleksandr Fılonenko 249,6 upaımen 3-orynnan kórindi, — delingen komıtet habarlamasynda.
Al kúmis júlde polshalyq Mılosh Malıajǵa (242,3 upaı) buıyrdy.
Aıta keteıik, atalǵan básekege bul synda ár memleketten 40-qa jýyq sportshy qatysty.
Budan buryn Qazaqstan shańǵymen tuǵyrdan sekirýden Norvegııadaǵy álem chempıonatynda 4 ret úzdik ondyqqa engenin jazǵanbyz.
