Polshada qonjyqtaryn qorǵaǵan aıý 58 jastaǵy áıeldi talap óltirdi
ASTANA. KAZINFORM – Polshada aıý talaǵan 58 jastaǵy áıel kóz jumdy, oqıǵa eldiń ońtústik-shyǵysyndaǵy taýly aımaqta boldy, dep habarlaıdy DW.
Qaıǵyly oqıǵa Plonna aýylynyń mańynda bolǵan. Áıel ulymen birge ormanǵa serýendeýge shyqqan, shabýyl týraly polıtsııaǵa sol uly habarlaǵan.
Oqıǵa ornyna kelgen dárigerler áıeldiń alǵan jaraqattarynan kóz jumǵanyn rastady. Aldyn ala málimet boıynsha, oǵan qonjyqtaryn qorǵaǵan urǵashy aıý shabýyl jasaǵan.
Bul aýdanda aıýlardy tek ormanda ǵana emes, turǵyn úılerge jaqyn jerden de jıi kórýge bolady. Jergilikti sheneýnikter turǵyndardyń qaýipsizdigin qamtamasyz etý úshin qoldan kelgenniń bárin jasap jatqanyn, alaıda múmkindikteri shekteýli ekenin aıtady.
2024 jylǵy resmı derekterge sáıkes, Polshada shamamen 100-deı qońyr aıý mekendeıdi. Onyń 80-ge jýyǵy qaıǵyly oqıǵa bolǵan Beşady óńirinde tirshilik etedi.
BAQ málimetine súıensek, Polshada aıýdyń adam ólimine ákelgen sońǵy shabýyly 2014 jyly bolǵan.
Eske sala ketsek, jýyrda Japonııada eldi mekenge kirip ketken aıýdy polıtseıler dárimen óltirildi.
