04:40, 21 Qazan 2025 | GMT +5
Polshada avtobýs amerıkandyq áskerı kólikterge soqtyǵysty
ASTANA. KAZINFORM — Polshada amerıkalyq áskerı kólikterdiń korteji jol apatyna ushyrady. Olarǵa shaǵyn avtobýs soqqan, dep habarlaıdy Report.
Keshe keshte Varshavaǵa qaraı A2 tas jolynyń 137-shi shaqyrymynda, Býk qalasynyń (Úlken Polsha voevodstvosy) aýdanynda shaǵyn avtobýs amerıkandyq áskerı tehnıkanyń kortejimen, onyń ishinde Hummer kólikterimen soqtyǵysty.
Bir adam kóliktiń ishinde qalyp qoıǵan. Tórt amerıkandyq sarbaz jáne avtobýs júrgizýshisi jaraqat aldy. Barlyǵy aýrýhanaǵa jatqyzyldy.
Varshavaǵa qaraı qozǵalys qıyn, qazir bir jolaq jabylǵan. Amerıkalyq kolonnadaǵy kólikterdiń naqty sany áli anyqtalǵan joq.
Osyǵan deıin Brazılııada jolaýshylar avtobýsy aýdarylyp, 17 adam qaza tapqan bolatyn.