Polsha prokýratýrasy burynǵy Ádilet mınıstrin qamaýǵa alýdy buıyrdy

ASTANA. KAZINFORM — Polshanyń Ulttyq prokýratýrasy burynǵy Ádilet mınıstri Zbıgnev Zıobrony «Ádilet qory» isi boıynsha qamaýǵa alý týraly sheshim qabyldady, dep habarlaıdy TASS.

— Qujattardy [Seımnen] alǵannan keıin prokýror Zbıgnev Zıobroǵa 26 qylmys boıynsha aıyp taǵyp, ony qamaýǵa alý jáne Ulttyq prokýratýra ǵımaratyna kúshtep jetkizý týraly qaýly shyǵardy», — delingen habarlamada.

Іshki qaýipsizdik agenttigine (Polsha barlaý agenttigi) saıasatkerdi qolǵa túsirý tapsyryldy. 

Zıobro jýyrda ǵana Býdapeshtte bolǵan. Ol Polshadaǵy zańnyń buzylýyna qatysty konferentsııaǵa qatysqan.

Seım prokýratýranyń ótinishi boıynsha Zıobrony «Ádilet qoryndaǵy» zań buzýshylyqtarǵa qatysty 26 aıyp boıynsha qylmystyq qýdalaý úshin depýtattyq ımmýnıtetinen aıyrýǵa daýys berdi. Saıasatker munan ózge «uıymdasqan qylmystyq top qurdy» dep aıyptalyp otyr. Anyqtalǵandaı, Zıobronyń qalaýy boıynsha ızraıldik shpıondyq Pegasus «Ádilet qorynyń» qarajatynan satyp alynǵan, ol birqatar polıak saıasatkerin tyńdaý úshin paıdalanylǵan.

Buǵan deıin Grýzııanyń burynǵy qorǵanys mınıstri qamaýǵa alyndy.