Polsha Qorǵanys mınıstrliginiń qyzmetkeri Reseı paıdasyna tyńshylyq jasaǵan

ASTANA. KAZINFORM — Polsha Qorǵanys mınıstrliginde uzaq ýaqyt boıy qyzmet atqarǵan vedomstvo qyzmetkeri «Reseı barlaý qyzmetiniń múddesi úshin tyńshylyq jasady» degen kúdikpen ustaldy. Bul týraly Polsha Qorǵanys mınıstrliginiń amerıkalyq X kompanııasyna tıesili áleýmettik jelidegigi paraqshasynda jarııalanǵan málimdemede aıtylǵan.

«Búgin tańerteń Qorǵanys mınıstrliginiń ortalyq ǵımaratynda vedomstvoda uzaq jyldar jumys istegen qyzmetker ustaldy. Kúdikti sheteldik barlaý qyzmetimen yntymaqtastyq jasaǵan dep aıyptalyp otyr», delingen habarlamada.

Tergeý jumystaryn Áskerı qarsy barlaý qyzmeti júrgizip jatqany, al protsessýaldyq áreketterdiń jalǵasyp jatqany atap ótildi.

Polshanyń Onet jańalyqtar portalynyń dereginshe, ustalǵan adam mınıstrliktiń Qorǵanys strategııasy jáne josparlaý departamentinde orta býyn qyzmetkeri bolǵan. Naqtylaı aıtqanda, ol Reseı barlaý qyzmetiniń paıdasyna tyńshylyq jasady degen kúdikke ilingen.

Onet basylymymen sóılesken derekkózdiń aıtýynsha, arnaıy qyzmetter kúdiktiniń qyzmetin birneshe aı boıy baqylap, onyń áreketterin muqııat qujattap jáne taldap otyrǵan. Osyǵan baılanysty jınalǵan dálelder bazasy «jetkilikti túrde myqty» dep baǵalanyp otyr.

Aıta keteıik, 2024 jyly Ońtústik Koreıanyń burynǵy Qorǵanys mınıstri memleketke opasyzdyq jasady degen aıyppen qamaýǵa alynǵanyn jazdyq. 

Al byltyr Reseıde memleketke opasyzdyq jasady dep sottalǵandar sany kúrt ósti.