Polsha Belarýspen shekarasyn jabady — Premer-mınıstr

ASTANA. KAZINFORM — Polsha 11 qyrkúıekten 12 qyrkúıekke qaraǵan túni Belarýspen aradaǵy shekarasyn tolyqtaı jappaqshy, dep habarlaıdy Sınhýa.

Bul týraly seısenbi kúni úkimet otyrysy aldynda Polsha Premer-mınıstri Donald Týsk málimdedi.

— Ulttyq qaýipsizdik maqsatynda biz Belarýspen aradaǵy shekarany, sonyń ishinde temirjol ótkizý beketterin de jabamyz… Bul beısenbige qaraǵan túni, ıaǵnı jumaǵa ótetin túngi saǵat 00:00–de júzege asady, — dedi Donald Týsk.

Polsha aqparat agenttiginiń habarlaýynsha, bul shara barlyq baqylaý-ótkizý beketterine, sonyń ishinde temirjol jelilerine de qatysty bolady.

Budan buryn Polshadaǵy qazaqstandyq áskerı attashe apparatynyń qyzmetkeri ustalǵanyn jazǵan edik. Bul rette Qorǵanys mınıstrliginiń Halyqaralyq qatynastar ortalyǵy Qazaqstan Respýblıkasy azamatynyń quqyqtary men zańdy múddelerin qorǵaý boıynsha qajetti sharalar qabyldanatynyn jetkizdi.