POLPHARMA jáne Nazarbaev Ýnıversıteti janyndaǵy Ómir týraly ǵylym ortalyǵy Ózara túsinistik týraly memorandýmǵa qol qoıdy
ASTANA. 12 qarasha. QazAqparat - POLPHARMA jáne Nazarbaev Ýnıversıteti janyndaǵy Ómir týraly ǵylym ortalyǵy Ózara túsinistik týraly memorandýmǵa qol qoıdy, dep habarlady Nazarbaev Ýnıversıtetiniń kommýnıkatsııalar men marketıng departamentinen.
Atalǵan mámile medıtsınalyq jáne basqarýshy qyzmet quramynyń biliktiligin arttyrýǵa arnalǵan baǵdarlamalardy uıymdastyryp, ótkizýge járdemdesý, sondaı-aq, birlesken ǵylymı-zertteý qyzmetin damytý maqsatynda jasaldy. Mámilege qol qoıý rásiminen keıin ótken baspasóz máslıhaty kezinde baıandamashylar osy qujattyń densaýlyq saqtaý salasyndaǵy jańa ǵylymı seriktestikti damytýǵa, ómir súrý uzaqtyǵyn ulǵaıtý boıynsha alynǵan bilimderdi paıdalanýǵa, aýrý-syrqattyń aýyrtpalyǵyn azaıtyp, ómir súrý sapasyn arttyrý múmkindigine qatysty eki jaq taraptardyń kásibı jáne áleýmettik múddeleriniń ortaq ekendiginiń kórinisi dep atap ótti.
Polpharma kompanııasynyń Nazarbaev Ýnıversıteti janyndaǵy Ómir týraly ǵylym ortalyǵymen yntymaqtastyǵy jyl saıyn, ári Polpharma pikiri boıynsha eki úzdik zertteýshige shákirtaqy berý túrinde Ǵylymı qoldaý baǵdarlamasyn qurýdy qamtıdy. Keleshekte bul Baǵdarlama moıyndalǵan jaǵdaıda eki jaq Nazarbaev Ýnıversıteti mektepteri men ózge de ortalyqtaryna granttar men shákirtaqylardy berý múmkindikterin keńeıtýdi qarastyryp otyr. Polpharma men Ómir týraly ǵylym ortalyǵynyń arasyndaǵy ózara tıimdi yntymaqtastyǵy densaýlyq saqtaý salasynda eki jaqty tájirıbe almasý men zertteýlerdi júrgizý úshin polıak ýnıversıtetteri men ǵylymı seriktestermen budan ary da áriptestik baılanystardy nyǵaıtýǵabaǵyttalady.
