Polkovnık Leıla Álipbaeva: Balalar úshin júregim aýyrady
ALMATY. QazAqparat – Polıtsııa qyzmetkeri Leıla Álipbaeva QazAqparat tilshisine Іshki ister salasynda leıtenant sheninen polkovnıkke deıin qalaı 25 jyl qaltqysyz qyzmet etkenin aıtyp berdi, dep habarlaıdy QazAqparat tilshisi.
Polkovnık Almaty polıtsııasy sapynda 1995 jyldan beri qyzmet etip keledi.
Basynda Alataý aýdanyndaǵy kámelettik jasqa tolmaǵan jasóspirimderdiń isi boıynsha ınspektor bolyp qyzmet etken.
Odan keıin qalalyq PD erekshe tapsyrmalar bóliminiń ınspektory bolǵan. Qazir qalalyq PD ıÝvenaldy polıtsııa bóliminiń basshysy.
«Meniń pedagogıkalyq bilimim bar. Bizge pedagogıkalyq ýnıversıtette oqyp júrgende polıtsııa qyzmetkerleri kelip dáris oqıtyn. Olar quqyqbuzýshylyqtar týraly aıtatyn. Men olardan organdaǵy qyzmet týraly suraıtynmyn. Solarǵa qyzyǵyp júrip polıtsııaǵa aýystym. Ekinshi ret ІІM Akademııasynda bilimimdi jalǵastyrdym. Oǵan tıtteı de ókinbeımin. Men balalarmen jumys istegendi burynnan jaqsy kóretinmin», - dedi ol.
Leıla Álipbaeva otbasynda 4 balanyń tuńǵyshy. Leıla men inisi quqyq salasynda qyzmet etse, taǵy eki inisi ákesiniń jolyn qýyp, qurylysshy ınjener mamandyǵyn ıgergen.
«Bizde jumys ketsesi óte tyǵyz. Keıde túnimen jumys isteýge týra keledi. Kóp adamdy kezdestiremiz. Almatyda kámelettik jasqa tolmaǵan balalar jıi urlyq jasaıdy nemese joǵalyp ketedi. Bárinen de balanyń jaǵdaıy júrekke batady. Ondaılar jıi kezdesedi. Bizge ol — kúızelis», - dedi ol.
Onyń aıtýynsha, 20 jyl ishinde balalarǵa qatysty túrli oqıǵalarmen jumys istegen.
«Biz tek balalarmen emes, ata-analarmen de jumys isteımiz. Іshkilikke salynǵan, balasyna qaramaıtyn ata-analar óte kóp», - dedi Leıla Álipbaeva.
Kúızeliske túsken ýaqyttarda polkovnık otbasymen serýendep, fılm kórýdi unatady.
«Men óz jumysymdy jaqsy kóremin. Polıtsııa áıeldiń jumysy emes degenge kelispeımin. Qoǵamdyq tártipti saqtaý – bizdiń de mindetimiz. Bizde jeke quramnyń 70 paıyzy – áıelder. Balalarǵa ananyń meıirimi kerek. Jumys ońaı emes, biraq ony báribir bireý isteýi kerek», - dedi ol.
Áńgime sońynda Leıla Álipbaeva barlyq áıelderdi 8 naýryz halyqaralyq Áıelder kúnimen quttyqtady.
